За температура од 37,2°C не земајте „парацетамол“ Александра Спасеска 02.12.2020 / 07:59 Здравје

Скопје, 2 декември 2020 (МИА) – Директорката на Инфективна клиника, д-р Милена Стевановиќ синоќа во емисијата „Клик плус“ на ТВ21 потенцира дека земањето антибиотици на своја рака може да донесе несакани дејства.

-Превентивното земање на антибиотици дефинитивно не е оправдано. Ниту самоиницијативно. Секое несоодветно земање на лек, па дури и суплемент може да донесе несакани дејствија. Затоа е тука лекарот, специјалистот кој кажува што треба да се земе, рече д-р Стевановиќ.

Проф. д-р Докиќ истакна дека основно е да се пијат многу течности и да се земе витаминска терапија.

-Ц витамин, но претпазливо, затоа што може да ги оштети бубрезите. Цинк, некои антиоксиданси, Д витамин од 2.000 до 4.000 интернационални единици. Но она што е важно, е дека не би сакал граѓаните да земат „парацетамол“ непотребно. На температура 37,2 тие земаат парацетамол. Температурата е дел од одбранбениот систем. Температуратa над 39, само од тие причини се зема, да се намали, и тоа не драстично, туку да живне организмот, појаснува проф. д-р Докиќ.

висока температура Дејан Докиќ Автор/Извор МИА Прикажи во метро On