Во последните 24 часа, во Австрија се регистрирани 2.748 нови случаи на инфекција со коронавирус и 79 смртни случаи од последици на инфекцијата.

Министерот за здравство Рудолф Аншобер, сепак, посочува дека ова се резултати од тестови од недела, кога обично има помалку тестови, и кога приватните лаборатории не ги внесуваат нивните податоци.

– Затоа, овој број мора внимателно да се процени. Сепак, за прв пат, во ноември, во понеделник сме под 3.000 – објасни тој на прес-конференцијата.

Аншобер потсети дека на почетокот на ноември, бројот на новоинфицирани лица беше околу 5.500 во понеделник, а потоа падна на околу 4500, потоа на 3,100, а сега на под 3,000.

Тој исто така посочи дека биле спроведени само 15.000 тестови во последните 24 часа, што е јасно помалку од просекот во ноември, што е околу 30.000 на ден, а во некои денови и над 40.000.

Тој рече дека е позитивно што се регистрирани 4.694 ново излекувани, што е далеку поголема бројка од новозаразените.

Но, додава министерот, бројот на хоспитализирани пациенти со ковид сè уште расте.

Така, во последните 24 часа хоспитализирани се уште 89 пациенти, од кои 10 биле на интензивна нега, така што вкупниот број на пациенти во единиците за интензивна нега се зголеми на 701.

Бројот на смртни случаи, како што нагласи, се уште е голем, и изминатите 24 часа изнесуваше 79.

Вкупниот број на смртни случаи достигна 3.184.

– Во последната недела сме на целосно заклучување. Ние мора да ги примениме сите мерки до крај за да можеме да започнеме внимателно да ги чекориме кон отворање – објасни Аншобер.

The post Во Австрија има 2.748 новозаболени и 79 мртви appeared first on Порта.