Витаминот Д не помага во тешки случаи на COVID-19 Александра Спасеска 30.11.2020 / 13:01 Здравје

Ниските нивоа на витамин Д се поврзани со поголем ризик од развој на потежок облик на болеста COVID-19, но зголемувањето на примени количини витамин Д не го решава проблемот.

Зголемувањето на нивото на витамин Д кај критично болни пациенти не го скратило престојот во болница или ги намалило шансите за пренасочување кон интензивна нега, потребата за механичка вентилација или можноста за смртен исход, открија лекарите во Бразил.

Тие случајно избраа 240 хоспитализирани пациенти кои имаа тешка клиничка слика и им дадоа на некои пациенти висока доза на витамин Д3, а на други плацебо. Само 6,7% од пациентите во групата витамин Д имале „дефицитарни“ нивоа на хранливи материи, во споредба со 51,5% од пациентите во плацебо групата, но немало разлика во резултатите, се вели во извештајот. Истото важеше и кога истражувачите се фокусираа на 116 пациенти со недостаток на витамин Д пред лекувањето.

Авторите велат дека нивното прво испитување од овој тип на пациенти по случаен избор покажува дека зголемувањето на количините витамин Д не влијае на скратувањето на закрепнувањето во болницата или на кој било друг клинички исход кај хоспитализираните пациенти со тежок облик на COVID-19.

коронавирус COVID-19 Автор/Извор А.С. Прикажи во метро On