По Атлетико, од Копа дел Реј е елиминиран и актуелниот шампион на Шпанија, Реал и тоа од третолигашот Алкојано.

Анонимниот тим од провинцијата Валенсија славеше со 2-1 и тоа, да биде сензацијата поголема, со пресврт и со фудбалер помалку. Реал поведе преку Едер Милитао во 45. минута, Хозе Солбес израмни во 80. и го однесе натпреварот во продолжение. Во нив, Алкојано остана без еден играч затоа што Оливан доби црвен картон. И покрај тоа, во 115. минута, по една одлична акција, домаќините дојдоа до победничкиот гол, преку Хуан Антонио Казанова Видал.

Зидан го почна натпреварот без најголемите ѕвезди, но во текот на мечот ги стави во игра Бензема, Асенсио, Азар и Крос. По минатонеделниот дебакл во Суперкупот на Шпанија, ова е уште еден хорор резултат за Реал кој би можел сезонава да ја заврши без трофеј.