Којзнае кој пат во последните две сезони, екипата на Ливерпул дојде до победа во Премиер лигата откако имаше негатива.

„Црвените“ славеа во дербито против Арсенал со 3-1 и го задржаа максималниот ефект на почетокот од англиското првенство. Иако беше подобар, Ливерпул прв прими гол и тоа од Лаказет во 25. минута. Предноста траеше само три минути, се до моментот кога Мане израмни на 1-1, по лошата интервенција на гостинската одбрана.

Веќе во 34. минута Ливерпул дојде до водство од 2-1, а во второто полувреме Арсенал не успеа да ја загрози победата на шампионот. Точка на мечот стави Жота кој во 88. минута го постигна својот дебитантски погодок во дресот на Ливерпул.