Дури на половина од сезоната во Премиер лигата, „топчиите“ дојдоа до десеттата позиција на табелата иако немаат гаранција дека тука ќе останат затоа што Астон Вила има дури четири натпревари помалку.

Сепак, радува формата на Арсенал бидејќи во последните пет кола освоија 13 бода, четири кола немаат примен гол, а вечерва го растурија Њукасл со 3-0. Блесна Пјер Емерик Обамејанг кој постигна два од трите гола, а уште еднаш беше прецизен Сака.

Сите три гола паднаа од 50. до 77. минута. Ако продолжи со вакво темпо, Арсенал може да се вмеша дури и во борбата за највисок пласман бидејќи разликата со лидерот Манчестер Јунајтед изнесува десет бода.