По краткиот блесок против Фулам, Челси им се врати на поразите во Премиер лигата, откако вечерва загуби од Лестер со 0-2.

По овој пораз „сините“ се на осмата позиција на табелата со мали шанси да вмешаат во борбата на врвот бидејќи имаат по еден или два натпревара повеќе од ривалите. Мечот на Кинг Пауер беше одлучен во првото полувреме кога Ндиди и Медисон ги постигнаа двата гола за домашниот тим и создадоа недостижна предност. Челси ја имаше иницијативата и поседот на топката, но не создаде шанси од кои ќе го загрози домашниот голман.

Лестер сега е лидер на табелата во Премиер лигата, но можеби само до утре кога Манчестер Јунајтед и Манчестер Сити излегуваат на терен. Од друга страна, можно е уште вечерва Челси да остане без менаџер, односно Френк Лампард да добие отказ.