Атлетико Мадрид е цврсто решен да освои нова титула во Ла Лига, по онаа во 2014 година и не сака ни да им даде шанса на своите ривали.

Вечерва ја совлада Валенсија со 3-1 иако гостите го отворија резултатот и десетина минути имаа предност. Резултатот го отвори Рачиќ со прекрасен удар од далечина. До полувремето израмни Жоао Феликс, а во продолжение Суарес и Кореја се погрижија за седмата победа во низа на Атлетико.

И по овој триумф мадридскиот тим има седум бода повеќе со меч помалку од својот градски ривал Реал и десет од Барселона.