Актуелнито македонски првак Вардар денес на домашен терен беше убедливо поразен од големиот конкурент Шкендија со резултат од 1-5.

По мечот, на својот профил на фејсбук се огласи тренрот на скопските „црвено-црни“, Александар Васовски кој беше видно разочаран од судиите на денешниот меч и распали.

„Сакам во името на стручниот штаб и играчите да им се извинам на навивачите за тешкиот пораз од Шкендија. Грешката ќе ја барам кај нас, но мора да се напомене катастрофалната судиска тројка на чело со Гоцевски. Два чисти пенали за Вардар, а третиот гол од чист офсајт за Шкендија. По којзнае кој пат Вардар против Шкендија е драстично оштетен, ова веќе губи секаква смисла. И џабе пишувам кога пак ќе биде народната. Кучињата лаат, караванот си тера“, напиша Васовски.