Тренерот на ПСЖ, Томас Тухел е малку загрижен бидејќи неговиот тим е ослабен во одност на минатата сезона.

Искусните, но сепак одлични фудбалери како Тијаго Силва и Единсон Кавани го напуштија ПСЖ пред почетокот на сезоната 2020/21, а се уште не се пронајдени соодветни замени, па парижаните изгледаат неубедливи на почетокот на шампионатот.

“Навистина се надевам дека ќе најдеме играчи кои ќе ги заменат и дека ќе се засилиме до крајот на преодниот рок. Сите знаеме кој се го напушти клубот пред почетокот на сезоната”, рече Тухел.

Покрај Силва и Кавани, заминаа и Томас Меуние и голманот Алфонсо Ареола, како и напаѓачот Ерик Максим Чупо-Мотинг. Од засилувањата вредат да се издвојат Флоренци од Рома како и потписот на Икарди од Интер.

Аргентинецот претходно играше една сезона во Париз како позајмен играч, но договорот беше откупен од Италијанеците за 50 милиони евра.