Три златни правила како да останете здрави и вити Билјана Богоеска 16.12.2020 / 16:03 Здравје

Ако ги прашате луѓето кои ја одржуваат својата вита линија, како им успева тоа, повеќето од нив ќе ви кажат дека се хранат здраво, дека редовно вежбаат и дека спијат доволно. Експерти одвоија три златни правила кои помагаат да бидете здрави и вити.

Започнете го оброкот со супа, еден филџан кафе во текот на денот заменете го со шолја зелен чај, јадете исклучиво свеж зеленчук и овошје во бои. Многу едноставно, нели?

1. Започнете го оброкот со супа

Кога ќе седнете да ручате, прво изедете чинија бистра супа, па преминете на останатото. Ако јадете оброк во кој е вклучено супа, ќе внесете околу 135 калории помалку бидејќи ќе се чувствувате сити. Втората корист од супата е што помага при исфрлање на вишокот вода и масти од организмот.

2. Зелен чај

Го намалува нивото на холестеролот, го подобрува здравјето на срцето и штити од рак. Има голема улога и при слабеење, го забрзува метаболизмот до 4% за 24 часа.

3. Храна со различна боја

Кај Јапонците, кои се највити и имаат најдолг животен век, секое сервирано јадење се состои од храна со црвена, зелена, жолта, бела и виолетова-црна боја. За да бидат присутни сите овие бои јадат пиперки, брокула, кромид и слично.

здрава исхрана Автор/Извор Б.С.Б. Прикажи во метро On