Тестирање треба да се направи два, три дена по појавата на првите симптоми Александра Спасеска 02.12.2020 / 13:26 Здравје

Директорката на Институтот за јавно здравје на Србија „Д-р Милан Јовановиќ Батут“, Верица Јовановиќ, изјави дека луѓето кои имаат треска и кашлица треба да направат тест за COVID-19 во рок од два или три дена од појавата на симптомите.

„Ако тестот за антигени е негативен и лицето има симптоми, тогаш е потребен PCR тест“, изјави Јовановиќ за РТС.

Според неа, повторното тестирање не е потребно за луѓето кои завршиле со терапија.

„Станува збор за примена на протоколите утврдени од СЗО и Европскиот центар за контрола на болести и Центарот за контрола на болести. Ние (во Србија) го применуваме од август. По 14 дена поминати дома, со заклучок на лекарите е завршена и инфективноста на лицето кое било позитивно на корона. Кога станува збор за болничко лекување, лекарот одлучува колку долго пациентот ќе остане дома, но повторното тестирање не е потребно“, рече Јовановиќ.

Таа наведува дека, според стручната литература, нема инфективност по 14 дена.

Јовановиќ посочува дека во Србија, блиските контакти остануваат во карантин 14 дена, додека во некои други земји тој период е скратен на 10 дена.

„Кај нас е 14 дена. Сите стручни препораки се следат и верувам дека со тек на време ќе има бројни промени, но за доброто на сите нас. Сè што се применува во светот, следење и контрола на епидемијата, се применува и во нашата земја“, заклучи Јовановиќ.

коронавирус COVID-19 Автор/Извор А.С. Прикажи во метро On