Менаџерот на Манчестер Јунајтед, Оле Гунар Солскјер, деновиве призна дека се уште одржава контакти со неговиот поранешен ученик, Ерлинг Халанд.

19 годишниот норвешки фудбалер кој направи година дена откако се пресели во Дортмунд и ги полуде сите големи екипи, сега е топ мета за повеќе европски клубови.

Солскјер соработуваше со Халанд во Молде и признава дека се уште комуницираат.

Знаете дека не можам многу да зборувам за него бидејки е играч на Борусија Дортмунд, би бил непочитување кон нив. Но се уште сум во контакт со него, разговараме често. Кој беше заинтересиран за него пред повеќе од една година? Но сега сигурен сум дека сите го бараат, знаат дека Ерлинг е топ фудбалер. Тој е фудбалер на Дортмунд и му посакуваме убави работи таму, но ајде да видиме што ќе ни донесе иднината“, порача Солскјер.

Од друга страна, вчера Скај Спорт потврди информација дека од Борусија Дортмунд се распрашувале за голманот на Јунајтед, Ден Хендерсон, па можеби таму би можеле двата клуба да се договорат околу своите играчи и да склопат трансфер зделка идното лето.