СТОХОЛМ – Шведска призна дека нема индикации дека во таа земја се развил колективен имунитет, што го забавува ширењето на коронавирусот затоа што расте бројот на нови инфекции.

“Прашањето за колективен имунитет е тешко. Не гледаме знаци на имунитет кај популацијата што сега би го забавило ширењето на инфекцијата”, рече главниот шведски епидемиолог Андерс Тегнел, кој е творец на стратегијата за коронавирус во Шведска, што не вклучува карантински мерки.

Швеѓаните биле повеќе изложени на вирусот отколку нивните соседи во нордискиот регион, а секој трет жител на Стокхолм има антитела, покажуваат неодамна објавените податоци, пренесува Блумберг.

Шведска не воведе рестриктивни мерки против ширењето на вирусот и се потпира на доброволна усогласеност со препорачаните мерки. Но, земјата сега бележи меѓу пет и седум илјади нови случаи на вирус на корона секој ден.

Како резултат, владата сега воведе некои ограничувачки мерки, како што е забрана за собирање повеќе од осум лица на јавно место и забрана за продажба на алкохол по 22 часот. „Здравјето и животот на луѓето се уште се во опасност, а опасноста расте“, рече премиерот Стефан Ловен во неодамнешното обраќање.

Во новиот бран на пандемија, болничките капацитети во Шведска се пополнуваат побрзо и побрзо, а бројот на пациенти на кои им е потребна интензивна нега расте.

The post Шведска признава дека нема знаци на колективен имунитет appeared first on Порта.