Алан Ширер не се согласува со контатацијата на Јирген Клоп дека биле дефанзивно ориентирани на вчерашното дерби.

Навистина мечот заврши без голови, но Јунајтед имаше неколку зрели шанси преку Фернандеш и Погба, но не ги реализира, додека Ливерпул беше непрепознатливо стерилен на моменти.

Тимот на Клоп не успеа да постигне гол на трет меч по ред во Премиерлигата.

„Најлошата работа е кога ќе видите во фудбалот дека играте со екипа која има класа фудбалери, но кои доаѓаат да се бранат со се што имаат. Навистина беше тешко да се игра против нив“, рече Клоп.

Со тоа не се согласува Алан Ширер:

Не се согласувам со Јирген Клоп за констатацијата дека Јунајтед дошле да се бранат. Во прво полувреме одиграа длабоко на својата половина зад топка. Но во вториот дел Јунајтед беше подобриот тим на терен. Имаа две неверојатни шанси, со кои требаше да го добијат натпреварот“, истакна Алан Ширер.