Шест совети како да помогнете некому при паничен напад Марта Стефановска 19.11.2020 / 15:17 Здравје

Напад на паника се случува при ненадејно губење на контрола над емоциите. Секојдневниот живот е полн со стресни ситуации, а панични напади најчесто имаат оние коишто се постојано напнати, често се загрижени и се нервираат за сѐ и сешто.

Како да помогнете некому ако има паничен напад?

Едуцирајте се

Повеќе од 13 отсто од луѓето имаат напади на паника кои можат да бидат силни и вознемирувачки. Препознајте ги симптомите – нападите на паника може да траат меѓу 5 и 30 минути, со симптомите како што се брзо дишење, потење, забрзана работа на срцето, мачнина.

Останете смирени

„Ако имате краток напад на паника може да ви помогне некоја блиска личност која ќе ве охрабри дека ќе ви помине“, вели Пол Салковскис, професор по клиничка психологија. Важно е да знаете дека нападот ќе помине. Треба да останете смирени за да не предизвикате поголеми проблеми.

Охрабрете ги

Нападите на паника може да бидат вознемирувачки; луѓето што минале низ оваа состојба имаат чувство дека имаат мозочен удар или дека умираат. Важно е да им докажете дека не се во опасност и дека ќе помине. Паничниот напад е најинтензивен во првите 10 минути.

Дишете длабоко

Охрабрете ја личноста да дише длабоко и полека. Некои препорачуваат да броите на глас или да гледате во некого и да ја кревата раката горе-долу. Постојат и водичи како да се смирите со вежби за дишење.

Прашајте ги што им е потребно

Многу луѓе се чувствуваат исцрпено по паничниот напад. Прашајте ги што сакаат, дали им треба чаша вода или нешто за јадење.

Бидете добронамерни

Не користете реченици од типот – „не паничи“ туку бидете внимателни. Нападите на паника се меѓу најинтензивните искуства низ кои може да помине некој човек.

Автор/Извор М.С. Прикажи во метро On