Американските здравстевни власти ќе одржат итен состанок идната недела на кој, како што се очекува треба да се препорача вакцината против корона вирусот која чека одобрение најпрвин од здравствените работници и лицата во установите за долготрајна нега.

Состанокот кој во петокот го најави одборот за имунизација на Центарот за контрола и превенција на болести сугерира дека Управата за храна и лекови е блиску до одобрување на дистрибуцијата на долго очекуваната вакцина, барем за луѓето кои се сметаат за најранливи категории.

United Airlines почна со чартер летови да пренесува пратки од вакцината која ја разви Pfizer Inc. за да осигура брза дистрибуција, велат извори упатени во ситуацијата.

Советодавниот одбор за имунизација на Центарот за контрола и превенција на болести ќе гласа во вторник за да препорача Управата за храна и лекови здравствените работници и установите за долготрајна нега да бидат првите две категории кои ќе ги добијат почетните залихи од вакцината.

Зеленото светло за каква било вакцина е добредојдена вест за Американците, на кои политичките челници сакаат да им наметнат поагресивни мерки за сузбивање нa ширењето на вирусот.

(Zimo)

(фото: Freepik)

The post САД идната недела може да ја одобри првата вакцина против корона вирусот appeared first on Иновативност.