Ѓорѓија Сајкоски, генерален секретар на ВМРО-ДПМНЕ денес беше во посета на Дебар и Центар Жупа. Посочи дека си зел за обврска дека ќе го посети секое населено место во Македонија. -Сакав да слушнам размислувања и меѓусебно да размениме идеи и предлози за понатамошно градење на државата. Изминативе години сведоци сме на рушење на институциите во Македонија од сегашната Влада која фрли сомнеж во сите институции на државата со своето криминално однесување. Изминатите 4 години покажаа дека немаат желба, ниту знаат да го спречат криминалот во Државата. Македонија ја направија држава за потсмев на меѓународната и домашната јавност. Секојдневно не изненадуваат со по некоја криминална случка која не би можел никој ни да ја замисли. Сега гледаме од поддршката што ја добиваме од граѓаните дека броени и се деновите на оваа Влада. Затоа сакаме да порачаме дека за брзо ќе бидат еднакви пред законот сите граѓани на нашата држава, истакна тој.