Најмалку 476.000 новороденчиња во текот на 2019 година умнреле поради загадувањето на воздухот. Најголем дел од нив се во Индија и Супсахарска Африка, а во речиси 3/4 од случаите причина се токсичните испарувања на гориво кое се користи за готвење, покажа најноавата студија за загадувањето на воздухот.

Повеќе од 116.000 новороденчиња во Индија умреле од загадувањето на воздухот во текот на првиот месец од животот, а 236.000 во Супсахарска Африка, се наведува во студијата, за која се користени податоци од два американски институти – Институтот за здравствени последици и Институтот за евалуација на здравјето.

Според авторите на студијата, има се повеќе докази за врската меѓу изложеноста на мајките на загадувањето на воздухот во текот на бременоста и покачениот ризик безбето да се роди со помала тежина или предвремено.

„Иако полека и континуирано се намалува зависноста на домаќинствата од гориво со лош квалитет, загадувањето на воздухот и понатаму е клучен фактор во смртта на тие деца“ оценува претседателот на Институтот за здравствени последици, Ден Гринбаум и додава дека посебно се засегнати новороденчињата во јужните делови на Азија и во Супсахарска Африка.

Загадувањето на воздухот во текот на 2019 година ја предизвикало смртта на 6,7 милиони луѓе во светот, што е четврта најчеста причина за смрт во светот. Авторите на студијата укажуваат на тоа дека пандемијата на КОВИД-19 придонесе за смртта на многу луѓе, како и за економските и општествените проблеми во светот, но влијаела и на загадувањето.

„Во многу земји небото повторно е сино, а ноќите се ѕвездени. Честопати тоа се случува по прв пат после повеќе години. Но тие промени се краткорочни“ предупредуваат научниците.

(Beta)

(фото: Pikist)

The post Речиси половина милион деца умреле од загадувањето на воздухот во текот на 2019 година appeared first on Иновативност.