Коментар на 30.коло: Сега скопските екипи му ја “КРОЈАТ“ судбината на Вардар


Коментар на 30.коло: Сега скопските екипи му ја “КРОЈАТ“ судбината на Вардар

  • Споделете преку:

Пишува: Зоран Ѓоршоски

Вчера се одигра 30.коло во ПМФЛ. Во Велес домашниот Борец со 2:0 го победи и Вардар и уште повеќе го поттурна кон Втората лига. Јасно е дека велешани се спасуваа себе си, и тие беа во “бунарот што се вели, но со тие три бода се на чекор и дефинитивно да се спасат, барем од директно испаѓање.

А Вардар го чекаат три пеколни кола до крајот, три кола е шансата како да избега од тоа 11-тото место на табелата кое води во понизок ранг. Се чини дека некои работи се избистрија по вчерашните мечеви. Имено сега Вардар и Ренова се најзагрозени, една од овие две екипи директно ќе испадне. Имено Вардар има 31 бод, Ренова 32, А. Пандев 35, Силекс 35, Борец 36. Една од овие пет екипи директно ќе испадне а две ќе играат бараж за опстанок со двете второпласирани екипи од Истокот и Западот во Втората лига.

СЕГА СЕ ПРАШУВААТ РАБОТНИЧКИ И МАКЕДОНИЈА ЃП

Како што рековме, на Вардар му остануваат уште три меча, и што интересно, два од тие три ги игра со скопски екипи. Веќе во сабота се игра соседскотот дерби против Работнички на Арената “Тодор Проески“. Потоа вардарци гостуваат во Струга кај Струга Трим Лум, за да на крајот, во последното коло на 16 мај дома ја дочекуваат Македонија ЃП.

Интересен распоред, реално според квалитетот Вардар нема што да бара на сите овие три меча, но сега кај Вардар треба да проработи инаетот, машкоста, храброста и против далеку посилните од себе да го покаже најдоброто од себе. Лошо за Вардар е тоа што на сите три меча ќе игра против мотивирани екипи на кои бодовите им се потребни.

Ренова пак сега во недела дома игра со Беласица, потоа гостува во Велес и на крајот го чека дома Работнички. Реално “гипсарите“ би требало да освојат најмалку 4-5 бодови. Но во фудбалот ништо однапред не се знае.

Во секој случај ќе биде супер интересно до последните секунди од овој шампионат.

Вчера Македонија ЃП го победи Пелистер, додека Струга ТЛ ремизираше со силниот Шкупи. Во таа битка за Европа сега “лавовите“ се во предност од три бода, но тие треба да играат со Шкупи на гости, со Шкендија дома и со Вардар на гости.

Интересно…

Струга ТЛ пак сега и гостува на Шкендија, па игра дома со Вардар, и на крај во последното коло му гостува на Силекс во Кратово.

Уште поинтересен распоред имаат момците на Срѓан Захариевски.

Остануваат уште 270 минути за Македонија ЃП и Струга Трим Лум да ги разрешат дилемите кои од овие две екипи ќе ја претставува Македонија во Конференциската лига.

На крајот да не заборавиме, во случај на ист број бодови победник во таа битка ќе биде Македонија ЃП зошто има подбар биланс сезонава во меѓусебните дуели со Струга ТЛ и тоа за само еден гол.

Значи може само еден гол да одлучи кои ќе игра во Европа.

Извор : sportmedia.mk

80 Прегледи