Познатиот актер Раде Шербеџија на Фејсбук споделил една непријатна ситуација во која се најде. Имено, актерот се огласил од Турција каде престојува во моментов и соопштил дека е жртва на интернет измама, односно дека некој се претставува со неговото име и на тој начин на луѓето им зема пари.

Шербеџија преку видеото апелирал до луѓето да не наседнуваат на ваквите провокации и додал дека случајот го пријавил.

„Драги мои, изгледа дека некој направил лажен профил и ги известува луѓето дека се добитници во наградна игра или бара пари. Се разбира, тоа нема врска со мене. На ова, веројатно, брзо ќе му дојде крајот затоа што го пријавив проблемот, но ве молам во меѓувреме поделете го ова мое предупредување, некој можеби сепак да не наседне на измамниците… А јас ви испраќам поздрав од Измир“, порачал Шербеџија.