Пет начини да избегнете зараза со корона во затворен простор Билјана Богоеска 20.11.2020 / 15:35 Здравје

Досега научивме дека носењето маски, темелното миење раце и одржувањето физичка дистанца се главното оружје во борбата против ширењето на новиот коронавирус. Но, научниците предупредуваат дека мора да размислиме и за воздухот кој го дишеме во затворен простор, особено сега кога не минуваме толку време надвор.

Добрата вентилација би можела да биде клучна во избегнувањето на ширење на коронавирусот во ова време на годината, кога луѓето минуваат сè повеќе време во затворен простор.

Добрата вентилација е важна на пет начини:

1. Ако е задушливо, излезете

Ако влезете во просторија и воздухот делува застоено, нешто не е во ред со вентилацијата. Не влегува доволно свеж воздух, што ги зголемува шансите за зараза. Скорешните истражувања покажаа дека во затворен простор може да дојде до пренос на зараза преку воздух – преку малите честички од вирусот кои лебдат во воздухот.

Според британскиот доктор Хајвел Дејвис, од витална важност е да има проток на свеж воздух.

2. Внимателно со клима уредот

Од канцеларија до продавница, клима уредите се добредојдени во текот на топлите денови, но проверете од каков вид е внатрешната единица. Најпростата е позната како сплит клима уред, кој го вовлекува воздухот од просторијата, го лади, а потоа го вовлекува повторно назад. Со други зборови, го рециркулира воздухот. Тоа не претставува проблем за кратка посета, но би можело да биде ризик за период од повеќе часа.

Студија направена во ресторан во Кина обвини ваков тип на клима уред за ширење на вирусот.

3. Колку посвеж воздух има, толку се помали шансите за зараза

„Кога имате 100 проценти надворешен воздух или близу 100 проценти, тогаш тоа е добра работа“, вели професорката Кет Ноукс од Универзитетот во Лидс. „Колку повеќе свеж воздух, помал е ризикот дека вирусот ќе рециркулира низ зградата“, вели таа.

4. Проверете дали има вирус во филтрите

Модерните вентилациони системи имаат филтри, но не се совршени. Во САД, истражувачи кои ја испитале Универзитетската болница за здравје и наука во Орегон, откриле дека вирусот се задржал на филтрите, но еден негов дел некако успеал да се пробие.

Во Јужна Кореја, кол-центар на 11 кат на деловна зграда имал само една заразена личност која заразила повеќе од 90 луѓе. Ако филтрите биле почесто проверувани, присуството на вирусот ќе бидело побрзо откриено.

5. Протокот на воздух е многу важен

Ник Вирт некогаш дизајнирал тркачки автомобили за Ф1, а сега ги советува супермаркетите и компаниите за производство на храна како да управуваат со протокот на воздух, за луѓето да бидат безбедни. Тој се грижи луѓето да не се најдат на директен пат на проток на воздух полн со вируси.

Ако некој седи покрај отворен прозорец и испадне дека е заразен би можел да им го пренесе вирусот на другите кои се наоѓаат на неговиот пат.

„Ако го отворите прозорецот, каде ќе оди воздухот? Не сакаме луѓето да се најдат на директен пат на тој проток на воздух. Повеќе свеж воздух општо гледано е многу подобро, но ако се движи хоризонтално и е полн со вирус, може да има несакани последици“, вели тој.

Според професорката Кет Ноукс, предноста на обилието на свеж воздух го разблажува вирусот, надминувајќи ги останатите ризици. Отворениот прозорец би можел да доведе до тоа повеќе луѓе да го примат вирусот, но во помали, помалку ризични количини.

коронавирс Автор/Извор Б.С.Б. Прикажи во метро On