Паѓа бројот на работници во индустријата, се топи и индустриското производство. Статистиката објави дека од јануари до август производството е намалено за 13,2%, додека бројот на вработени за 4,7%, во споредба со истиот период лани. Ако се гледаат само бројките за август, за нешто над 5% се намалил бројот на вработените, додека производство бележи пад од 9,1 отсто. Во исто време Агенцијата за вработувања објави дека само во август на листата нови невработени се впишале 3.000 лица. Бизнисот признава – беше тешко, но најавениот пакет мерки благо ќе го амортизира ударот

-Се соочуваме со намалено прозиводство, намалени нарачки и намалени приходи. Но, научени сме да се бориме и се надевам ќе издржиме до крајот на годината, изјави Владанка Трајковска,раде Кончар, член на социо економскиот совет.

Значителен е падот кај производството на текстил и облека. Од овој сектор очекуваат проблеми во октомври и ноември, кога треба да почнат со шиење на идната сезона, а магацините во моментов им се преполни со ланската роба.

-Затоа за текстилната индустрија ќе побараме да се направи исклучок и да се земат во предвид падот на приходите и во октомври и ноември. Има и некои компании кои ќе бидат целосно затворени и тоа ќе биде многу лошо, изјави Ангел Димитов, претседател на Организација на работодавачи.

За полесно пребродување на кризниот период Владата ќе исплаќа минимална плата од 14,500 до скоро 22 илјади денари по вработен, зависно од падот на приходите кај фирмите. Со оваа мерка се надеваат дека бројот на отпуштања ќе запре, затоа што услов за користење е да се вратат отпуштените на работа, но и да нема нови во наредните 3 месеци. Според нивните проценки, со 70-те милиони евра, ќе се поддржат 250 илјади работни места.

Фото за вовед: YouTube видео: Категорија: БизнисНовинар: Наташа Мерсовска