Овие намирници се најдобри сојузници во борбата со астмата Марта Стефановска 23.02.2021 / 13:26 Здравје

Не постои едноставен начин за лечење на астма, но има намирници што треба да ги јадете за да ги ублажите симптомите на оваа болест.

Препораките на лекарите се да јадете разновидна храна, но како конкретен пример се наведува медитеранската исхрана. Тоа значи дека треба да внесувате многу здрави масти, риби, житарки, овошје и зеленчук.

Важно е да се спомене дека треба да водите сметка за тоа дека вишокот килограми може да ја влоши оваа болест и затоа треба да се храните здраво и да вежбате.

Треба да се посоветувате со вашиот лекар и да не преземате драстични чекори, но според истражувањата, овие намирници може да ги олеснат симптомите на астма.

Јаболко и портокал

Овошјето е полно со витамини, содржи бета каротин и витамини Ц и Е кои помагаат да се намали воспалението на белите дробови.

Јаболката и цитрусното овошје се богати со овие состојки и се препорачува да ги консумирате секој ден.

Лосос

Омега 3 масните киселини се потребни на сите, особено на оние кои боледуваат од астма. Ги има во лососот, риба која е моќен сојузник во борбата против многу болести. Лососот е богат со витамин Д.

Ѓумбир

Ѓумбирот се користи за олеснување на симптомите на астма. Истражувањата покажаа дека оваа намирница содржи состојки кои им помагаат на дишните патишта.

Спанаќ

Спанаќот содржи витамини и минерали, фолна киселина(витамин Б9) кој е важен во борба против астма. Децата кои не внесуваат доволно фолна киселина и витамин Д имаат осум пати поголема шанса да добијат асматичен напад во однос на оние деца кои внесуваат доволна количина од овие состојки.

Калинка

Калинката е богата со антиоксиданти кои го намалуваат воспалението на дишните патишта, а го намалуваат и нивото на оштетеност на ткивото на белите дробови.

Автор/Извор М.С. Прикажи во метро On