Ова е последното нешто што го гледаат пациентите кои умираат од КОВИД, предупредува лекар Александра Спасеска 26.11.2020 / 14:05 Здравје

Лекар од Мисури, САД објави видео во кое ги симулира последните сцени што ги гледаат пациентите кои умираат од COVID-19 во болница.

„Ве молам, слушнете ме. Не сакам да бидам последната личност што ќе видат твоите преплашени очи“, напиша д-р Кенет Реми со видеото што го објави на Twitter.

„Вака изгледа кога дишете 40 пати во минута, кога нивото на кислород е значително под 80. Вака изгледа. Се надевам дека последните моменти во твојот живот нема да изгледаат вака. Затоа што токму ова ќе го видите на крајот од животот ако не почнеме да носиме маски во јавност“, предупредува тој со растреперен глас.

URL

Д-р Реми понатаму го повторува апелот на здравствените власти да се почитуваат сите мерки за заштита од зараза со коронавирусот: редовно и темелно миење раце, носење маска, држење дистанца, изолација во случај на сомнеж, симптоми или докажано присуство на коронавирусот.

Тој за BBC изјави дека го објавил видеото за да ги предупреди луѓето и да ги натера да носат маски.

„Носењето маски не е ни приближно непријатно како чувството кога некој ви турка парче пластика во душникот“, вели д-р Реми.

коронавирус COVID-19 Автор/Извор А.С. Прикажи во метро On