Милан го потпиша третото засилување оваа зима! По Суали Меите и Марио Манџукиќ, нов фудбалер на „Росонерите“ е Фикајо Томори!

Како што беше и најавувано во претходните денови, младиот стопер на Челзи стана третото и веројатно последно засилување на Милан во јануарскиот преоден рок. Стефано Пиоли побара, Малдини му обезбеди засилување кое беше во согласност со финансиските можности. Томори во следните шест месеци ќе се обиде да се избори за останување на „Сан Сиро“ и по завршувањето на позајмицата, но „Росонерите“ за тоа ќе мораат да платат 25.000.000 евра. Толку изнесува откупната клаузула која двата клуба ја договорија во пресрет на преселбата на Томори во Италија. Милан за шестмесечната позајмица плати милион евра.

Томори со тоа конечно успеа да побегне од средината каде практично беше задушен поради преголемата конкуренција. Колку тоа е точно најдобро говори и податокот дека и во натпреварот од третото коло во ФА Купот против Моркам одигра само 10 минути. Едноставно, тешко може до минутажа крај Тијаго Силва, Курт Зума, Антонио Ридигер и Андреас Кристенсен.

Со ова продолжува долгогодишната тажна приказна на момчињата кои потекнуваат од академијата на Челзи кои се прерано отпишани, иако Томори во првиот тим го воведе токму Френк Лампард во периодот кога на клубот му беше забрането да носи засилувања. Иако остави солиден впечаток, не беше во плановите на Лампард за оваа сезона.

Новопечениот англиски репрезентативец пристигна во Милан практично како изнудено решение бидејќи прва мета беше Мохамед Симакан. Трансферот на младиот француски стопер во последен час пропадна поради повреда на коленото, поради што мораше на артроскопија и нема да биде во погон во следните два месеци. На Милан му беше потребно засилување кое веднаш ќе може да помогне во реализација на обврските, па трансферот на Симакан пропадна. Томори не играше многу, само 400 минути од почетокот на сезоната во сите натпреварувања, но во очите на Паоло Малдини е виден како некој кој може да прави разлика.