Дали годинашната реколта на тутун ќе остане на таваните? Откупот почна a производителите велат дека цената никогаш досега не била толку ниска. Велат дека квалитетниот тутун откупувачите им го вреднуваат како трета класа и за него добиваат максимум 150 денари по килограм. Откупувачите пак велат дека производителите им подметнуваат тутун со полош квалитет мешајќи го со повисоките класи.

Надлежниот министер пак смета дека ова се должи на КОВИД кризата и временските услови и вели дека уште е рано да се носат заклучоци. Уверува дека ситуацијата ќе се промени до крајот на откупот. Засега како решение кое државата го нуди на тутунарите е укинување на четвртата класа. Со ова се очекува да скокне просечната цена.

Дел од тутунарите кои денеска беа на средба со министерот се задоволни од ветувањата на надлежните, но сепак признаваат дека ако цената не се зголеми ќе бидат принудени да се откажат од произвидството.

За во недела Некои здруженија на тутунопроизводители најавија предупредувачки протести низ повеќе градови. Тие се децидни дека по сегашните цени нема да го дадат тутунот.

Засега се отворени само 4 од 10 откупни пункта. Откупени се близу 260 од вкупно 23 000 тони тутун. Лани просечната откупна цена достигна 220 денари по килограм.

Фото за вовед: YouTube видео: Категорија: БизнисНовинар: Александра Костовска