Некои сорти канабис гo намалуваат опасното воспалениe предизвиканo од COVID-19 Александра Спасеска 25.01.2021 / 10:40 Здравје

Ново истражување од Канада покажува дека некои видови канабис помагаат во намалување на специфичен вид на воспаление – наречено „цитокинска бура“ – што се смета за една од најопасните компликации од COVID-19.

Студијата спроведена од истражувачи од Pathway Research Inc., Универзитетот во Калгари и Универзитетот во Летбриџ, научниците користеле вештачка човечка кожа. Моделот на кожно ткиво беше изложен на УВ зраци за да предизвика „индуцирано воспаление“. Потоа моделот беше третиран со седум различни видови канабис за да се види ефикасноста во намалувањето на воспалението.

„Цитокинска бура“

Студијата покажа дека канабисот може да ја ослабне или намали сериозноста на COVID-19. Напливот на „антиинфламаторни цитокини“ или „цитокинска бура“ може да доведе до акутно респираторно заболување и е една од главните причини зошто може да се развие тешка форма на COVID-19.

„Од сите цитокини, TNFα и IL-6 играат клучна улога во патогенезата на цитокинскита бура и се веројатно одговорни за ескалацијата на сериозноста на болеста“, се наведува во студијата. Додавањето екстракт од канабис помага „да се запре воспалението, да се спречи фиброзата и може да доведе до ремисија на болеста“.

URL

Еден од главните истражувачи, Игор Ковалчук, истакна дека неговиот тим со години го проучувал антиинфламаторниот потенцијал на канабисот. Тој рече дека не биле изненадени од овие резултати:

„Пред појавата на COVID-19, го проучувавме антиинфламаторното дејство на над 100 сорти канабис и идентификувавме десетици сорти кои имаат силен потенцијал. Аплициравме дури и за неколку патенти за употреба во РА, МС, воспаление на цревата и кожата и воспаление на усната шуплина“.

Истражувачите ги избрале видовите што веројатно би функционирале најдобро за оваа студија, „врз основа на долгогодишно истражување“.

„Нашата анализа покажува дека CBD или THC применети сами немаат ист ефект. Ние силно веруваме во ефектите од целиот спектар. Веројатно постојат секундарни (помали канабиноиди) и терпени кои придонесуваат за ова, а во нашиот труд нагласуваме дека еден од таквите терпени може да биде кариофилинот“, рече Ковалчук ​​за Forbes.

Три соеви канабис се најефикасни во намалувањето на воспалението

Од седумте видови на канабис користени во оваа студија, истражувачите наведуваат дека три се најефикасни. Според студијата, овие три видови канабис помогнаа во намалувањето на овие воспалителни бури со цитокини: дерегулација на COX2, TNFα, IL-6, CCL2 и други цитокини и патишта поврзани со воспаление и фиброза.

Ковалчук ​​посочува дека овие три соеви (# 4, # 8 и # 14) кои се покажале ефикасни не можат да се купат затоа што тие се „приватни сорти, создадени во нашата лабораторија, така што тие не постојат никаде и уште немаат друго име“

Истражувачите заклучуваат дека овие антиинфламаторни екстракти од канабис може да бидат корисни додатоци на сегашните антиинфламаторни методи за лекување на COVID-19, како и разни методи за лекување на ревматски заболувања.

COVID-19 канабис Автор/Извор А.С. Прикажи во метро On