Најлошите работи кои оваа есен може да ги направите за вашето здравје Билјана Богоеска 22.09.2020 / 18:26 Здравје

Есента е идеално годишно доба за опуштање, но докторите предупредуваат дека во тоа не треба да се претерува. Што не треба да правите во текот на есента, кога станува збор за здравјето?

Best Life со помошта на експерти објави листа од најлошите работи кои треба да ги избегнете оваа есен, за да го сочувате вашето здравје.

1. Игнорирање на стресот

Во летните месеци со вежбање може да се борите против стресот или да го минете времето со книга в рака додека сте на плажа. Исклучително е важно да пронајдете начин како да се справите со стресот и во текот на есенските денови. Според д-р Џесика Патрос од Калифорнија, тешкиот акутен стрес или хроничниот долготраен стрес може да влијае на тоа колку добро функционира вашиот имунитет.

„Кога сте под стрес, расте хормонот кортизол. Ако кортизолот долго време останува висок, истражувањата покажуваат дека може да поттикне воспаление, што може да го збуни телесниот систем за одбрана“, вели Пеатрос.

2. Пиете повеќе од два алкохолни пијалаци дневно

Интернистот Сухита Д. Посина од Њујорк вели дека алкохолот треба да се сведе во најмала можна мера за да остане здравјето под контрола.

3. Консумација на повеќе шеќер

„Се покажа дека дополнителниот или преработен шеќер предизвикува брз скок во нивото на шеќер во крвта, што доведува до зголемено лачење на инсулин, а потоа и до опаѓање на глукозата. Тие промени во нивото на шеќерта во крвта може негативно да влијае на вашето ниво на енергија“, вели Емануел Асаре, специјалист по интерна медицина.

Тој додава дека на долгорочен план, дополнителниот шеќер е поврзан со дебелина, дијабетес тип 2, зголемен ризик од срцеви болести, развој на некои видови канцер и други здравствени проблеми.

4. Помалку вежбање

Само затоа што времето станува постудено не значи дека не треба да вежбате или да прескокнувате тренинзи.

„Со постуденото време луѓето минуваат повеќе време заедно во затворен простор и се помалку активни. Тоа што не носите костим за капење не значи дека треба да престанете со вежбање“, вели Кармен Туг, специјалист по интерна медицина во Северна Каролина.

5. Не јадете доволно овошје и зеленчук

Во студените денови попримамлива е топлата и потешка храна, но подеднакво е важно да јадете најмалку пет порции овошје и зеленчук дневно.

6. Не спиете доволно

Квалитетниот сон е важен за одржување на доброто здравје, како и за силен имунолошки систем.

7. Го прескокнувате појадокот

„Ако го започнете денот со здрав појадок тоа ќе го разбуди вашиот дигестивен систем и ќе го забрза метаболизмот. Со тоа ќе се регулира работата на цревата и ќе помогне нивото на шеќер во крвта да остане стабилно во текот на денот“, вели д-р Емануел Асаре.

есен Автор/Извор Б.С.Б. Прикажи во метро On