Охриѓанецот Трајан Целески – Тачо, кој повеќе од две години се бореше тумор на мозокот, ја загуби битката со тешката болест, објави локалниот портал ohridnews. Пред неколку месеци болеста се врати и тој беше подвргнат на трета операција, но неговото срце не издржа. Охрид и охриѓани сплотени како ретко, покажаа голема емпатија, хуманост и солидарност преку бројни хуманитарни акции и настани кои беа организирани за поддршка на Тачо. Неговата храброст и истрајност, пак, пленеа и инспирираа. Социјалните мрежи се преполни со пораки на сочувство за смртта на младиот охриѓанец Трајан Целески Тачо.