Поранешниот директор на УБК Сашо Мијалков, сепак, побегнал од земјата и стигнал до Белград, но се вратил назад во Скопје откако бил постигнат директен договор со премиерот Зоран Заев, тврдат извори од ВМРО-ДПМНЕ. Мијалков избегал во неделата, односно тогаш полицијата не успеала да го најде за да оди во куќен притвор, а преговорите со власта наводно почнале во понеделникот, откако меѓународната заедница извршила силен притисок врз Заев да се најде начин бегалецот до четврток да се врати во земјава. Но засега никој не знае што точно се договориле Мијалков и Заев, пишува порталот МКД.мк. Според неофицијалните информации, причината за бегството била казната од 13 години што обвинителите веќе ја побарале, а во петок треба да се слушне пресудата во случајот „Таргет-Тврдина“, и која наводно требало да ги опфати сите дела, вклучувајќи и она што требало да застари. Како што пишува порталот, изворите од ВМРО-ДПМНЕ тврдат дека договорот меѓу Мијалков и власта бил казната да биде пет години, по што би следувале жалби, па Апелација, па враќање на предметот назад…