Како да ги заштитите очите кога цел ден седите пред компјутер? Марта Стефановска 06.04.2021 / 16:29 Здравје

Видот е најдрагоцено сетило, но сепак здравјето на очите често го запоставуваме и забораваме да го негуваме.

Ако се направи просек колку време минуваме пред екран во текот на животот, бројките би биле изненадувачки. Зјапањето во монитор влијае на здравјето на нашите очи бидејќи не трепкаме со ист интензитет.

Нормалниот број на трепкања во рок од 1 минута е 20 пати, а оваа бројка се намалува на само 5-7 пати во минута доколку гледате во екран. Ова доведува до суви очи, иритација и многу други проблеми.

Иако не можете да се откажете од користење на компјутер, смартфон и таблет, има начини како може да го подобрите здравјето на очите.

Правило 20-20-20

Вашиот компјутер може да работи и 24 часа без пауза, но не и вие. Правилото 20-20-20 е фокусирано на правење пауза од 20 секунди и гледање во објект кој е оддалечен 20 стапки (или 6 метри) на секои 20 минути. На тој начин ќе ги одморите очите.

Пијте вода

Лекарите ве предупредуваат дека треба да пиете многу вода во текот на денот, а има повеќе причини зошто е тоа така. Една од нив е тоа што водата спречува сувост на очите.

Внимавајте на клима уредот

Aко воздухот од клима уредот оди директно кон вас, може да влијае штетно на вашите очи. Затоа седете малку подалеку од клима уредот за да избегнете чешање на очите.

Не заборавајте да трепкате додека гледате ТВ или седите пред компјутер

Потсетувајте се дека треба да трепкате за да ги заштитите очите. Трепкањето ги мие очите со природни солзи и го спречува сушењето.

Никогаш не користете стара шминка за очи

никогаш не користете шминка со истечен рок на траење или пак туѓа шминка доколку сакате да го заштитите здравјето на очите и да го намалите ризикот од појава на инфекции.

Автор/Извор М.С. Прикажи во метро On