Како да ја победите подуеноста на стомакот? Марта Стефановска 16.10.2020 / 09:44 Здравје

Поголемиот дел од луѓето барем еднаш во животот почувствувале проблем со подуеност во стомакот. Нормално е стомакот да ни биде подуен кога ќе прејадеме или кога ќе испиеме премногу вода, но подуеноста може да биде резултат од многу други причини.

Најчестата причина за подуеност се гасовите кои се насобираат во одреден дел од дигестивниот тракт, особено непосредно по оброците. Стомакот изгледа поголем отколку вообичаено, можни се послаби и малку посилни болки, силно чувство на непријатност, но и зачестени подригнувања.
За подуеноста, причина може да биде исто така насобирањето на вода во одредени делови од стомакот, но и прејадувањето, односно насобирањето на цврста материјал во краток временски интервал, вели д-р Митов.

Ако подуеноста не се намалува, можно е да имате проблеми со бактеријата Heliobacter pylori. Појавата на оваа бактерија може да биде предизвикана од загадена вода или храна. Затоа треба да реагирате на време за да спречите понатамошни проблеми.

Може да направите природен лек за да се ослободите од подуеноста:

Потребни состојки:

1 лимон

1 краставица

1 лажица ѓумбир во прав

Магдонос

Половина чаша вода

1 лажица сок од алое вера

Подготовката е многу едноставна – треба да ги изблендирате овие состојки. Пијте по 1 чаша дневно.

Во продолжение прочитајте за неколку работи кои можат да предизвикаат подуеност:

Стрес

Стресот, како што знаеме, претставува еден од главните причинители за проблеми во организмот. Во овој случај, тој има големи последици за дигестивниот систем.

Тој го одредува начинот на кој дишиме и ја вариме храната, што може да доведе до подуеност. Ако сте под стрес повеќе од вообичаено и забележувате дека тоа реагира и на вашиот стомак, обидете се да медитирате или одите на долги прошетка во природа.

Константно користење на гуми за џвакање

Гумите за џвакање можат да доведат до подуеност во стомакот. Според Националната здравствена служба во Велика Британија, тоа практично се случува поради голтање на воздух при џвакањето, па воздухот се собира во абдоменот. Ако забележите дека ова ви се случува, направете мала пауза од гумите за џвакање.

Неправилно држење на телото

Она што е важно да го знаете, е тоа дека воздухот може да се собере во стомакот и ако неправилно стоите или седите. Поради тоа седете правилно додека јадете.

Автор/Извор М.С. Прикажи во метро On