Како алкохолот влијае врз имунолошкиот систем? Марта Стефановска 01.12.2020 / 15:25 Здравје

Имунолошкиот систем е клучен за тоа како вашето тело се штити од зарази, како што се бактерии и вируси и спречува да се разболите. Тој може да ослабне и тогаш нема да успее да ве заштити од инфекции.

Здравите навики како што се правилен начин на исхрана, физичка активност и квалитетен сон, го чуваат имунолошкиот систем. Но, стресот, пушењето, консумирањето алкохол го ослабнуваат имунолошкиот систем.

Како алкохолот влијае врз имунолошкиот систем?

Прекумерната употреба на алкохол го ослабнува имунолошкиот систем.

Според Клиниката Мејо, прекумерното консумирање на алкохол го осланува имунолошкиот систем. Алкохолот го менува својството на микробите во цревата кои се дом на трилиони микроогранизми кои извршуваат неколку клучни улоги во вашето здравје и ја нарушуваат способноста да го штитат имунолошкиот систем. Се чини дека консумирањето на алкохол ги оштетува и имунолошките станици кои служат како прва одбрамбена линија против бактерии и вируси.

Од тие причини, кога прекумерно консумирате алкохол, се намалуваат одбрамбените механизми на вашето тело кое се бори против настинки, вируси или бактериски вирусни инфекции.

Не само што ќе бидете подложни на настинки, туку и прекумерното пиење алкохол води до воспаление на белите дробови и други белодробни запалувања. Може да доведе до бројни здравствени проблеми вклучувајќи го и крвниот притисок, болест на црниот дроб и зголемен ризик од рак.

Умерената употреба на алкохол не влијае на намалување на имунолошкиот систем, но треба да внимавате

Умерената количина на алкохол нема негативно влијание врз имунолошкиот систем. Се препорачува да пиете една чаша црвено вино, особено во зимскиот период.

Но, луѓето кои имаат здравствени проблеми и бремените жени воопшто не треба да пијат алкохол. Ако сте настинати или имате грип, не треба да пиете алкохол бидејќи може да дехидрирате.

Автор/Извор М.С. Прикажи во метро On