Измерени повеќе од 15.000 пениси: Кој е златниот просек? Александра Спасеска 21.10.2020 / 13:21 Здравје

Истражувачи од Велика Британија спроведоа студија за утврдување на просечната големина на машкиот полов орган.

За почеток, тие го разбија митот за поврзаноста помеѓу големината на стапалата или дланките и должината на пенисот, пренесува Ifl Science.

Иако често се збрува за „просечната“ големина, не е лесно да се утврди колкав е точно тој просек. Главната причина за тоа, како што рекоа научниците, е тоа што во повеќето истражувања учеството било на доброволна основа, така што немало многу испитаници.

Затоа, вклучена е поголема база на податоци за оваа студија – таа ги разгледува мерењата извршени од лекарите, кои се стандардизирани. Овие мерења вклучуваат обем (коренот или средината) и должина на пенисот и вклучуваат 15.521 испитаник од различни мерења ширум светот.

Кои се резултатите?

Кога станува збор за опуштен пенис, просечната должина е 9,16 см, додека кај еректираниот пенис е 13,12 см. Ако зборуваме за обемот, тогаш тоа е 9,31 см за опуштените, или 11,66 см за еректиран пенис.

Интересен е фактот дека само 5% од мажите имаат пенис подолг од 16 см во еректирана положба.

Научниците исто така не успеаја да утврдат каква било врска помеѓу големината на тестисите или стапалата со должината на пенисот. Исто така, тие не утврдија ништо ни кога станува збор за расата, но истакнаа дека повеќето од испитаниците биле белци.

пенис Автор/Извор А.С. Прикажи во метро On