Во Аталанта несомнено ќе ги обвинат судиите за престрого донесена казна за нивниот фудбалер, исклучувањето во 17 минута.

Тренерот на Аталанта, Џан Пјеро Гасперини, смета дека токму тој момент бил клучен за натпреварот:

„Без оглед на резултатот, голема беше сатисфакцијата за нас да играме против Реал Мадрид во ЛШ. Не знам каков би бил резултатот да не беше црвениот картон, но натпреварот беше целосно срушен по тој инцидент во 17-та минута“.

„Со оглед на тоа дека скоро цел натпревар игравме со играч помалку, резултатот 1:0 и не е така лош за нас. Штета, примивме гол во самиот финиш. Жалиме само што не ни беше дадено да играме во вистинско светло. Ќе беше сигурно поинаков натпреварот доколку бевме рамноправни. Луѓето зборуваат за нивните играчи кои се на отсуство, но сепак во тимот Реал има добар квалитет. Претходно бев казнет во Серија Аа за нешто што го реков на пресконференцијата, ако и сега кажам, УЕФА ќе ме казни сигурно еден месец. Но ова вечерва беше самоубивство, не смееме да имаме судии кои никогаш не играле фудбал и кои не можат да направат разлика помеѓу фаул и дуел“, истакна Гасперини.