Дали гласната музика може трајно да го оштети слухот кај децата? Марта Стефановска 16.12.2020 / 16:39 Здравје

Многу родители се прашуваат дали навистина гласната музика може да го оштети слухот на нивното дете. Децата сакаат да користат слушалки и омилените песни да ги пуштат „до даска“. Но откако ќе го сторат тоа, обично следи предупредувањето „Намали го тоа, ќе оглувиш“!

Гласната музика и другите силни звуци можат привремено или трајно да го оштетат слухот.

Моменталното губење на слухот може да се случи ако детето е изложено на јаки звуци подолго време. Ова е привремена појава и не треба да се грижите. Слухот се враќа откако ќе се наспие убаво. Сепак, ова е предупредување дека детето треба да внимава.

Тинитус е уште еден проблем кој може да се јави поради слушање гласна музика. Најчестата причина е оштетување на рецепторите за слух во внатрешното уво. Звучниот бран предизвикува треперење на тие рецептори кои личат на трепки. Притоа настанува иритација и создавање на електрични сигнали кои преку слушниот нерв стигнуваат до мозокот. Слухот може да се врати, но честото слушање гласна музика може да доведе до долготрајни оштетувања.

Трајното оштетување на слухот се јавува ако детето слуша гласна музика секој ден. Ако се случи ова, звукот нема да се врати во нормалната состојба.

За да спречите губење на слухот, треба да го посоветувате вашето дете дека не треба да слуша прегласна музика, особено ако користи слушалки.

родители и деца Автор/Извор М.С. Прикажи во метро On