Иако има 39 години, Златан Ибрахимовиќ игра како во своите најдобри денови и го носи Милан кон сензационална титула во Серија А.

Вечерва против Каљари ги постигна двата гола во победата од 2-0 и сега со 12 погодока е на делба на второто место на листата на стрелци во италијанското првенство. Да не беше паузата од речиси два месеца поради повреда и коеона, Швеѓанецот сега сигурно ќе беше лидер во оваа статистичка категорија, но и натаму има шанси да го стигне Кристијано Роналдо.

Со вечерашниот натпревар Ибрахимовиќ се израмни со легендарниот напаѓач на Милан, Марко ван Бастен. Ибра стана прв играч на Милан по Холанѓанецот во 1992 година кој постигнал 12 гола во првите осум настапи во првенството. Шведскиот ас реализира барем по еден гол на сите натпревари на кои беше стартер оваа сезона.