Двајцата вицепремиери со различни ставови околу мерката субвенции за поголема етничка застапеност во приватните фирми. Според првиот вицепремиер Груби нејасно е зошто за предлогот има толку многу реакции во јавноста, кога со мерката ќе се овозможи и вработување на македонци онаму каде што се помалку застапени.

Од друга страна пак за вицепремиерот Битиќи од редовите на СДСМ неблагодарно е јавните пари да се делат по етничка основа. Професионалноста треба да биде клучен критериум при доделување на помошта.

За опозициската ВМРО ДПМНЕ ваквата мерка е дискриминирачка и неприфатлива.

Предлогот на ДУИ е субвенции да добијат сите приватни компании кои ќе помогнат во еднаквата етничка застапеност при вработување со образложение дека приватните компании заостануваат во овој дел.

Во меѓувреме треба да се донесе нов четврт по ред пакет на економски мерки за спас на бизнисот од пандемијата. Иако првично беше најавено дека ќе биде донесен до крајот на оваа најверојатно мерките за помош ќе се знаат следната недела. Битиќи тврди дека со пакетот не се доцни, целта е да се донесат добри мерки кои ќе им помогнат и на бизнисмените и граѓаните.

Фото за вовед: YouTube видео: Категорија: БизнисНовинар: Ирена Чачкова