Денес е мошне интересно на трансфер пазарот кога станува збор за Баерн Минхен. Прво информација како гром од ведро небо дека европскиот шампион сака да ја оживее кариерата на Тома Лемар, а потоа и дека Хасан Салихамиџиќ ја контактирал агенцијата P&P Supermanagement која го застапува Андреј Крамариќ – и тоа само три дена откако хрватскиот репрезентативец со два гола учествуваше во победата на Хофенхајм над германскиот првак.

Целата приказна ја иницираше Лотар Матеус. Легендата на германскиот фудбал во колумна за „Скај“ го рече следново:

„Карамариќ не би бил само идеална резерва за Левандовски, туку и алтернатива за Томас Милер. Поседува доста карактер и квалитет. Има потенцијал да игра во шампионски тим каков што е Баерн“.

И се што мисли некогашната легенда на Баерн и тоа како има смисла. Во претходните четири сезони се нема случено да не надмине двоцифрен број на голови, а притоа умеел и да ја разигрува екипата. Во последните четири сезони во Бундеслигата, тој одиграл 108 меча, постигнал 57 и наместил 24 погодоци. И тоа во Хофенхајм. Замислете како тоа би можело да биде во тим каде играат играчи како Томас Милер, Кимих, Сане, Гнабри, Алаба…

Хрватот по два натпревари во новата сезона на своето конто веќе има пет гола, а на Инстаграм веќе го лајкна постот на кој беа цитирани зборовите на Лотар Матеус. Или е среќен поради пофалбата, или едноставно сака да го облече дресот на шесткратниот европски првак.