Џо Бајден стана 46-от претседател на Соединетите Американски Држави. Се заколна дека посветено ќе ја извршува функцијата и дека ќе го чува, штити и брани американскиот Устав.

„Ова е денот на Америка. Ден на демократијата. Историски ден на надеж”

Ги повика своите сонародници на заедништво, со цел надминување на предизвиците со кои се соочува нацијата.

Со минута молчење за над 400-те ијлади американски жртви на вирусот, најави силна борба против ковид пандемијата и економско заздравување.

Пред нас е предизвикувачко време кое бара одлучност, истакна Бајден.

Цермонијата традиционално беше одржана пред Капитол Хил, но поради пандемијата и неодамнешниот упад во Конгресот, бројот на гости беше значително намален. Околу две илјади гости кои присуствуваа на инаугурацијата, а меѓу нив поранешни американски претседатели, но не и досегашниот – Доналд Трамп.

Поради немирите во Конгресот на 6 јануари настанот беше обезбедуван од 25 илјади припадници на Националната гарда и тајните служби.

Честитки до новиот американски претседател стигнаа и македонскиот државен врв.

“Честитки до новиот американски претседател Joe Biden. САД се наш стратешки партнер кои секогаш ја поддржувале демократијата во земјава и нашите евро-атлантски интеграции, напиша претседателот Пендаровски, додека пак премиерот Заев му посака мандат исполнет со успешни политики кои обединуваат.

“Претседателе Бајден, се радувам на времето пред нас во кое верувам дека ќе го продлабочиме сојузништвото меѓу Северна Македонија и САД, како и блиските врски и пријателството меѓу нашите граѓани, напиша Заев на ФБ.

Фото за вовед: Видео: File 20.01_goran_bajden.mp4Категорија: СветНовинар: Горан Симоновски