Корона вирусот останува активен на човечката кожа девет часа, пет пати подолго од вирусот на грипот, утврдија јапонски научници, а нивното откритие повторно укажува на потребата од често миење на рацете за поефикасна борба против пандемијата на КОВИД-19.

За споредба, патогенот кој го предизвикува грипот на кожата преживува околу 1,8 часа, покажуваат резултатите од студијата објавена во текот на овој месец во списанието Clinical Infectious Diseases.

Поради подолгото преживување на корона вирусот на човечката кожа поголем е ризикот од пренос при контакт на кожа со кожа и така влијае на позабрзано ширење на пандемијата, предупредуваат јапонските научници. Во својата студија тие тестирале примероци од кожа земени при обдукција на болни од КОВИД-19 околу еден ден после смртта на пациентите.

И корона вирусот и вирусот на грипот се деактивираат во рок од 15 секунди после примена на етанол, кој се наоѓа во средствата за дезинфекција на раце. Редовната хигиена на рацете може да го намали ризикот од пренесување на корона вирусот при контат, советуваат јапонските научници.

Студијата која ја спровеле ги поддржува и препораките на Светската здравствена организација за редовното и темелно миење на рацете за да се ограничи преносот на вирусот.

(Dnevnik.hr)

(фото: Wikimedia)

The post Јапонски научници открија дека корона вирусот останува на кожата пет пати подолго од вирусот на грипот appeared first on Иновативност.