На само еден чекор, токму така. Македонската фудбалска селекција се наоѓа пред пласман на ЕП, за првпат во историјата.

Вечерва иако без поддршка од публиката – „црвно-жолтите“ славеа голема победа над Косово со резултат од 2-1.

Селекторот на нашиот национален тим, Игор Ангеловски по мечот истакна:

„Заслуживме да се израдуваме,но се уште не сме ништо направиле. До мечот со Грузија има еден месец, ќе димеше до тогаш сите ние за тој ден. Се надевам после 30 години Македонија ќе ја видиме на ЕП. Се надевам во Грузија ќе скокам уште повисоко. Ќе посакам сите играчи да го имаме за тој меч со оглед на тоа што ние не сме некоја велесила да имаме широк избор. Столе од трагичар се претвори во херој. Моравме да го решиме натпреварот порано.“, изјави Ангеловски.

Финалето од Лигата на нациите каде што Македонија ќе бара билет за пласман на ЕП се игра на 13. ноември во Тбилис против Грузија.