5 причини зошто сте секогаш уморни и што да направите во врска со тоа Александра Спасеска 14.10.2020 / 15:24 Здравје

Постојат многу потенцијални причини за вашиот умор, дури и ако спиете добро и не се занимавате со физички напорна професија.

Можеби страдате од синдром на хроничен умор? За повеќето луѓе, сепак, проблемот не е толку сериозен и можат да се ослободат од уморот со едноставно менување на некои од нивните навики.

Ви откриваме кои 5 причини најчесто се главните виновници за постојаното чувство на умор:

Не се храните здраво

Кога јадете тестенини, пица, слатки и други рафинирани јаглехидрати, тие го зголемуваат нивото на шеќер во крвта, што резултира со чувство на поголема енергија. Кога ќе ви падне шеќерот, повторно ќе бидете уморни. Ако се обидете да ја вратите енергијата со конзумирање на истите оброци со рафинирани јаглехидрати, овојпат нема да успеете. Наместо тоа, обидете се да внесете повеќе храна богата со влакна во вашата исхрана, како што се различни видови овошје и зеленчук.

Не сте доволно активни

Можеби мислите дека кога ќе се вратите од работа премногу уморни, најдобро е вашето тело да се одмори и да не правите ништо. Експертите открија дека ова е лоша тактика за „полнење на батериите“. Имено, студија од 2008 година покажа дека изведувањето вежби со помал интензитет најмалку три пати неделно е многу подобро за подигање на нивото на енергија, отколку само одмор.

Постојано сте под стрес

Научните истражувања покажаа дека стресот е честопати главната причина за замор. Интересно е и тоа што избегнувањето да се соочите со тоа што ве мачи, исто така може значително да ја потрошите вашата енергија. Експертите советуваат вежбање јога и медитација како метод за привремено ослободување од стресот, но единствената вистинска помош за постигнување вистински резултати е радикална промена во начинот на живот и, доколку е потребно, советување со психотерапевт.

Не пиете доволно вода

Ако не ја надоместите водата што ја губи вашето тело како резултат на биохемиските реакции во телото, ќе бидете дехидрирани. Ова ќе доведе до замор во вашето тело и губење на концентрацијата. Секогаш имајте шише вода со вас доколку сте надвор, особено ако премногу се потите.

Ви недостигаат витамини и други хранливи материи

Дали внесувате доволно железо, витамин Д и витамин Б12 во вашата исхрана? Ако одговорот е негативен, време е да промените нешто во вашата исхрана. Препорачуваме да започнете да консумирате повеќе спанаќ, брокула, црвено и мисиркино месо, кои се богати со железо. Можете да најдете витамин Б12 во млеко, јајца, лосос и говедско месо, а исто така можете да го добиете преку додатоци во исхраната. За потребите на вашето тело за витамин Д, доволно е да јадете печурки, риби и други специјалитети од морска храна, но и што е можно почесто да излегувате на сонце и свеж воздух.

умор хроничен умор Автор/Извор А.С. Прикажи во метро On