Секој ден има по 30 заразени од 150 или 200 тестирани, уште ќе умираат луѓе, вие сте напнале за избори, остро реагира Сашо Тасевски, според кого СДСМ прави сè за да има избори, зошто знае дека од септември ќе почнат да пукаат шавови. Какво намалување на кризата, кого мувате. Од почеток вие палите и гасите. Сега дека сакате избори, па божем заразата намалува. Сакате брзи избори токму зашто вам ви е страв, оти знаете, во септември ќе почне да пука по шавови се наоколу. Ќе намалувате плати, ќе рикаат помали бизнизи, ќе отпуштате куп луѓе и од администрација, тоа ќе го бара ЕУ, ќе воведувате и други мерки на штедење… ЕУ ќе го бара и тоа се погласно од вас. Затоа ви се брза, нема врска со мерките, кривата и правата…, пишува актерот. Си знаете, додава, септември ќе излезе народ на улици. За тој втор бран пеете цело време. Затоа гледате на две на три, да ги одржите изборите во јуни. Иако пак ќе ги молите оние од Калето за мандат во судиско време, па и по мечот. Со цела помош што ќе ја добиете од надвор, изборите ќе ви бидат кошмар. Ќе се измачите, стварно ви велам, порача Тасевски.