Ако СДСМ излезе како губитник на претстојните избори, дали Зоран Заев ќе си поднесе оставка од лидерското место во партијата? Ова прашање логично се поставува со оглед на фактот дека во партијата веќе владее незадоволство од партискиот претседател кој покажа дека е способен да ги пушти низ вода сите, само за да се спаси самиот себеси. До сега се покажа дека Заев по изборен пораз не си поднесува оставка од лична свест, па нејасно е дали ќе може да си го сочува лидерското место откако ќе се соочи со револтот и недовербата од македонските граѓани. Како што на народот му ветуваше сé што ќе му падне на памет само за да дојде до гласови на избори, знаејќи дека тие работи нема да ги исполни, така Заев даваше секакви ветувања и во својата партија. Секако, својствено за Заев, не ги исполни ни овие. Во 2014-та година, по изборниот пораз на СДСМ, Заев не ни помисли да се повлече и да ја препушти партијата на некој поспособен од него. Суетата кај него проработе, па си го задржа столот на поранешна Бихаќка. Сега, цели шест години подоцна, сведоци сме на сите погубни политики кои ги води овој човек, како низ цела држава, така и во својата матична партија. Луѓе професионалци паднаа во сенката на екс-градоначалникот на Струмица кој за функција е подготвен на се. Се чини дека како што се разбуди народот против погубните политики кои лично Заев ги води, така се разбудија и социјалдемократите. Поддршка Заев ужива само од своите најблиски соработници, на кои им даде функциии во Владата и кои му беа “партнери во злосторството“ за уништување на Македонија. Се погласно се бара повлекувањето на Заев од лидерското место во партијата. Тој не изјавува дека ќе се повлече после изборен пораз бидејќи му е слатка функцијата. Останува да видиме како Заев ќе ги оправда изборните резултати. Досега многу правдања за погрешните чекори во СДСМ не му поминале најдобро.