Европската Унија да биде мудра и да продолжи со политиката на проширување кога се работи за балканските земји или во спротивно во рок од неколку години ќе зажали за таквата одлука, порача шефицата на европската дипломатија Могерини на собирот со евроамбасадорите во Брисел. Таа го посочи Преспанскиот договор како пример за досегашната успешна европска политика во регионот која треба да продолжи во насока не само на помирување туку и негово обединување со Европа.

Ни беа потребни 25 години за решавање на спорот за името меѓу Грција и Северна Македонија. Но сега ова е постигнато благодарејќи на храброста, лидерството и постојната поддршка и охрабрување од ЕУ. Ова важи и за остатокот од Балканот. Потребна ни е храброст и лидерство и ЕУ мора го продолжи секојдневното силно присуство во регионот. Ако продолжиме со вклученоста конечно ќе можеме да постигнеме обединување на континентот. Со проширувањето на Балканот се враќаме на почетните вредности за помирување и мир. “

Според Могерини од клучна важност е економскиот и социјален развој на регинот од кој бенефит ќе имаат не само балканските држави туку и Унијата. Таа потсети дека се работи за земји кои географски и припаѓаат на Европа и со самото тоа тие треба да бидат соединети со неа.

Фото за вовед: YouTube видео: Категорија: МакедонијаНовинар: Сања Сеизова Мрмова