Иако поминаа само неколку часа откако откако тамошните медиуми објавија дека италијанската Влада дозволила одржување на тренинзи, веднаш беше демантирана ваквата вест.

Според Винченцо Спадафора, италијанскиот министер за спорт не постои такво нешто и дека на фудбалските клубови не им е дозволено да тренираат до 18 мај.

Од денеска (4 мај) има попуштање на мерките за карантин во Италија и воедно дел од екипите соопштија дека наскоро ќе ги продолжат своите активности, со некои ограничувања.

Читам чудни работи, но ништо не се промени во однос на тоа што го зборував за фудбалот. Тимските тренинзи нема да бидат продолжени пред 18 мај и засега нема да зборуваме за продолжување на првенството. Ве замолувам, но морам да се вратам да се грижам за сите останатите спортски центри (арени, сали за танцување, базени…) кои мораат да се отворат што поскоро – напиша италијанскиот министер за спорт на социјалната мрежа Фејсбук, Спадафора.

Шампионатот во Серија А беше прекинат на почетокот на март поради пандемијата на коронавирус.

Удинезе на македонскиот репрезентативец Илија Несторовски официјално објави дека нема да се врати во текот на денешниот ден, односно и натаму ќе остане зад затворени врати до понатамошно известување.

Клубот од Удине е во очекување на здравствените протоколи од релевантните органи, се вели во соопштението.

Интер објави дека играчите од првиот тим ќе можат да го користат тренинг центарот „Апијано Џентиле“ на доброволна основа во текот на следните денови за индивидуални активности.

The post Италијанските фудбалски клубови и натаму немаат право да тренираат appeared first on Слободен печат.