Општина Демир Хисар со повеќе програмски активности и свечености го одбележува 2 Септември, Денот кога пред 75 години е ослободен градот.

Според празничната програма, претпладнево во Демир Хисар, градоначалникот Марјанче Стојановски и повеќе делегации од градот ќе положат цвеќе пред споменикот на демирхисарските револуционери, а потоа ќе учествуваат на свечена седница на Советот на Општина Демир Хисар на која реферат за народноослободителната војна во Демир Хисар ќе презентира претседателот на Општинската организација на Сојуз на борци, Менде Солунчевски.

Општина Демир Хисар на Денот на празникот има востановена традиција и ќе додели награди и признанија за соработката со успешни здруженија на граѓани и поединци во тамошната локална самоуправа.