Поранешниот играч на Арсенал, Манчестер сити, Реал Мадрид и Тотенхем во 80. минута од второто коло на дуелот во „Копа Либертадорес“ имаше крајно нефудбалски, неспортски потег.

Фудбалерот на парајскиот клуб Олимпија Асунсион, Емануел Адебајор (36) на лош начин покажа на јужноамериканското натпреварување дека сè уште има добри атлетски способности.

Како во стилот на легендарниот Брус Ли, во 72. минута од средбата со копачката удри во главата на противничкиот играч на аргентинската екипа Дефенса. Главниот судија веднаш му додели црвен картон.

На крајот триумфираше составот на Олимпија Асунсион со 2:1 за прва победа во „Копа Либертадорес“ и моментно второ место на табелата во „Г“ групата.

Во кариерата за Арсенал од 104 натпревари имаше 46 голови, со „топчиите“ беше финалист во англискиот Лига куп, претходно со Монако беше финалист во Лигата на шампионите, а после разделбата со лондонскиот клуб, со Реал Мадрид го освои Копа дел Реј, додека со Кристал Палас стигна до финалето во ФА купот.